方舟台

有位後生仔，繼承父業 —- 賣海南雞飯，日切夜切。

二十歲企大排擋，斬完又斬，指定動作。永唔停手。有一天若有所思問阿媽：「我為咩會做切雞呢？」「因你阿爸切雞，你就切雞囉﹗」

「我阿爸又為何切雞呢﹖」「你阿爸的阿爸做切雞，你爸便切雞囉！」

咁都得！

阿仔心中追問：將來我個仔會唔會問他媽媽— 為咩阿爸做切雞？後生仔醒悟過來，一於轉行，後來成為出色的專業人士。

故事有乜教訓呢？不要人做我又做，凡事要問點解。

就如唔少人大時大節，跟人去黃大仙，迫餐飽，大仙係乜誰？一百條籤真可以滿足一切需要？有朋友排長龍向觀音「借庫」，年年借十億八億，但年年仲係返工捱騾仔，還有湧去車公廟「轉運」，年年查運程唔好犯「太歲」，甚至玩「神打」上身，過契給觀音娘娘(其實娘娘的事蹟，性别等等歷史源流，全無考證) 。

中國人更將英雄人物神化，試想真D，關雲長只是歷史上一個將軍，死後被人懷念，升上神枱，警察同黑道出隊前都拜幾下。又如封神榜既哪咤西遊記既悟空，都係小說人物，明明虛搆，但係人拜我又拜，有人甚至請「上身」；其實「上身」唔係神而係魔鬼邪靈。

我們教會有位老師，從小在佛堂長大，甚至週週扶亂請「仙佛」上身…有天同學送她聖經和書籍，她在佛堂內偷偷查考閱讀，發現原來宇宙只有一位獨一真神，創造萬物，而耶穌基督是唯一救主，事蹟有根有據。

她修練多年，但是心中並沒有平安，生怕一念成佛，一念又成魔，最後在佈道會中她流淚決志信主，至今多年，一家人大得平安。

聖經說：「我(主耶穌)就是道路、真理、生命，(約翰福音十四6)，「基督耶穌降世，為要拯救罪人」(提摩太一15) 。

唔好拜錯神，千祈要小心！