方舟台

年年「賣口乖」，媽咪爹哋生日，例牌祝佢「長命百歲」。

結果呢？自己今天食到99，兩老得一百歲，仲點為你開第99次生日會喎﹗

亞媽亞爸係極老土，勁長氣，不過想落終歸會「冇氣」。時光可以倒流的話，必定講多兩聲：「爸媽我愛您！」

九十九歲人，手震震，原因唔係太老餅，而係因為後生時候顛顛哋，狂打機。想落幾無謂，一世人三分一用來瞓覺，即是瞓足一萬二千零四十五日﹗十歲起打遊戲機，打到今時今日，每日三粒鐘點起碼，用咗足足十一年幾﹗仲未計打麻雀同拍散拖付出既青春歲月，轟轟烈烈得個桔，真係勁無奈。

畢業旅行，大顛大肺之後返工、轉工、失業、揾工…好快影結婚相拉埋天窗，「渣」一聲拖男帶女，周身唔得閒，忙到六十九。

退咗休唔再做牛做馬，其實唔好玩，日日得閒，上茶樓飲茶等特價，夜晚對住電視，等睇好姨同如妃，或者逛公園同阿伯捉象棋…

活到九十九，你話幾無謂！有冇人可以話我知做人為乜？快D 啦，唔該，我已經99！

「當趁著年幼，記念造你的主」

「耶穌説：我是世界的光，跟從我的，就不在黑暗裏走，必要得著生命的光！」

「耶穌説：我就是道路、真理、生命」 (聖經)