好奇怪的年代 — 甚麽都要有「癮」。
就如有本怪書，書名叫做：“I Want to be in Touch with Everyone Everywhere All the Time One to One Now”，真係攞命！
作者想點呢﹖佢夢想跟全世界每一個角落每一個人全天候個別地即時隨時溝通，因為好「過癮」。
今日人人都想有Fun，打機可以三日三夜，拍拖可以隨時換畫，上網可以週圍去，ICQ廿四小時在線，搓麻將全家出動，阿爸賭錢日夜刨馬經 — 風氣所及，連讀書考試也要搞氣氛，補習天王天后招生如打拳，上堂要刺激過演唱會，老師講書最好似William Hung 。
可是過癮一旦出位，便成了上癮。Fun 變成Addiction﹗「上癮」分為substance addiction 和 process addiction，前者是心情唔靚便大吃大喝，為即時滿足，想做就去做，死就死啦﹗後者是過程中夠刺激，所以學生哥明知冒險，都齊齊去超級市場玩高買，鬥偷得多﹗
世上任何事物，都可以使人失控沉溺，身不由己。有人飲可樂飲上癮 (我試過！)，有人講電話講到暈，有人「煲」日劇韓劇幾日幾夜停不了，有人碌爆卡因購物狂，唔少朋友甚至食丸仔…
本來過癮，做得開心；一旦上癮，就如吸毒，唔做唔得，冇晒自由，結局自然十分「冇癮」。
如果你已上癮又吊癮，搞到好唔掂，有乜解救？
耶穌基督能給你真滿足、真自由，祂說：「人若渴了，可以到我這裏來喝。信我的人…要從他的心靈深處，流出活水江河來。」(約七37-38另譯) 主耶穌還説：「天父的兒子若叫你們自由，你們就真自由了。」(約八36) 你若打開內心，接受聖靈，就有喜樂、滿足和自由！
曽有位少女跳水受傷，全身癱瘓，男友離去，她既痛且恨，一天讀到聖經說：「神恩典夠用」，她禱告求主叫她經歷神，立刻喜樂和平安如潮水般湧入內心，從此振奮，成為名畫家，且到處鼓勵別人。
聖靈來了，心靈便暢快，真正滿足，包掂！
Recent Comments